الناعــــــــم أو الكعك
المقادير:
3 اكواب دقيق ،كوب سمن بلدى، قليل من الملح ،ملعقة صغيرة هبهان مسحون ،
رشة قرفة مسحونة،ملعقة كبيرة سمسم ، ½ ملعقة كبيرة باكنج بودر، 2 م كبيرة زبادى
الخطوات:
تخلط المقادير الجافة جيدا
يضاف السمن الدافئ ويعجن جيدا
يضاف الزبادى مع الاستمرار فى لعجن حتى تتكون عجينة متماسكة
يترك العجين لمدة 10 دقائق ليتخمر
تفرد العجينة وتقطع بقوالب صغيرة
ونقوم بالنقش عليها بالمنقاش
ترص فى صينية فرن وتخبز تنضج ويصبح لونه ذهبي
بعد ان يبرد تماما يتمّ تغطيته بالسكر المسحون
سلامات………
عملتا الكعك بى وصفتك لكن ما عرفتا مقاس الكوب هل هو كوب معيارى وللا كباية عصير وللا mug
المهم انا عملتا الmug
بس حسيت العجينة كانت لينة شديد
انا ضفتا ليها نص كوب زيادة دقيق
المشكلة انو بعد خبزتو كان السطح متشقق
اصلن بكون كده وللا انا عملتا غلطة باضافة الدقيق الزيادة
وللا الغلط اصلن من مقاس الكباية؟؟؟
الطعم رهيب ما فى كلام
بس التشقق ده و كمان حسيت بيهو قوى شوية الكعك
وعليكم السلام
بالنسبة للمعيار كباية شب (يعنى كباية عصير ) بس ما مليان خالص
لما تعجنى الدقيق بالسمن حسيتى العجينة لينة ولا بعد اضفتى الزبادى
المفروض الزبادى جامد شوى
طبعا الدقيق بيختلف نوعه انت ممكن تضيفى الزبادى قليل قليل حتى تكوت العجينة مناسبة
بالاضافة الى ذلك زيادة الدقيق بتخلى العجينة قوية وجافة عشان كدة بيتشقق
ارجو اكون اوضحت
تسلمى كتير على الرد
على الاساس ده فى وصفاتك كلها الكوب بيعنى كوب الشب؟
بعد شوية ماشة اعمل مديدة الحلبة بى طريقتك حوافيك بالنتايج
سلمت يداك اختي
السلام عليكم سمسماية،،عجبتني طريقة عمل القرقوش وحانفذها بإذن الله،،واطلب منكي طريقة عمل الكعك البلديس السوداني المحشي بالبلح،
ولكي جزيل الشكر،،
تسلمي يا سمسماية هسه الساعة واحدة ونص صباحا انتهيت من عمل الكعك وطلع حاجة رهيبة انا ما قادرة أصدق اني خبزته…البركة فيك وفي مدونتك …صدقيني يا سمسماية المدونة ح تكون مرجع أساسي لربات البيوت باذن الله…
تسلمي يا ام لينه
الحمد لله انه عجبك يا غالية
وان شاء الله ربنا يقدرني اواصل فيها
بمستوي اعلي من اجل عيونكم غاليتي
يصلح اسويها بقوالب المعمول ,تسلم ايدك انشاالله اسويها اليوم وشكرا
ممكن تتعمل بقوالب المعمول بس حجمها بيكون شوي كبير
لكن بتختصر ليك عملية النقش علي الكعكة
ننتظر التطبيق
عزيزتي سمسماية.. جربت عمل الكحك بهذه الوصفة , و النتيجة انه, راااااائع جدا,,, :):):) شكرا جدا جدا على هذه الابداعات.. وانا حابة اشاركم بتجربتي في صفحة تطبيقات الزوار, بس صراحة ما عارفة كيف.. بس عى العموم شكرا مرة ثانية جداجدا.. :):):)
am so happy and proud to to share my experience with you, I love they way u make food,and you are such an amazing chef! and a great teacher :D.. may God bless you dear..
فراولة لك التحية ومشكوووورة
عندي قروب علي الفيس بوك
http://www.facebook.com/group.php?gid=367324315943
ممكن تنزلي فيها التطبيقات
وانا ان شاء الله بنقلها لصفحة التطبيقات
او خلي الصور في البوم في بريدك الالكتروني وانا ان شاء الله ح اخدها
بس انا تشيري انو عندك تطبيق
ماشاء الله الكك لذيذ
شكرا على الوصفات لكن فى بعض المحلات عندهم كعك لايقاوم فهل عندك السر ارجو الرد
مرحب امال بالنسبة لكعك المحلات فعلا عندهم اسرار وما بيقولوها
لكن هم بيخلطو الدقيق مع النشا بنسبة 1:3 بعملو لبن بدرة داخل العجين وبعض المنكهات
وطريقة كل محل بتختلف من آخر
ماشاء الله علي الحاجات الحلوه البتعمليها ياسمسمايه .انا الكعك بحبو شديد وبلخبط السمن بالزبادي اول حاجه بعد داك بخت الملح والدقيق والسمسم المحمص واعجن لحدي مايديك عجينه متماسكه حقت الكعك وبطلع طعم خراااااافي بس السمنه تكون سمحه بفرق كتير .
الوصفة ررعة بس الزبادى ليه
والله الزبادي بيحل محل الموية بالبنضيفها عشان الكعك ييتماسك ويشيل حيلو فالزبادي بيدي طعم محبب مميز
انا جربتو رهيب الله يخليك وياريت تقبلوني صديقة جديدة لاني لسه مبتدئة ومغتربة وارجو ان تعلمون طريقة طبقات الكستر والجلي
لما اعمل الكستر واكب فيه الجلي بيدخلو في بعض ما زي حق ناس بيتنا البيعملو معليش اتحملوني شوية مغتربة وفاتحه لي بيت جديد
في الاول اعملي الكاستر وخليه يبرد ودخليه التلاجة لحدي ما يتماسك
بعدين اعملي الجلي وخليه برضو يبرد ودخلي التلاجة لحدي ما يبرد بس ما يتماسك وبعدين كبي برااااااااااحة فوق الكسترلحد ما تخلص الكمية ودخليه التلاجة لحدي ما ييجمد
انا رسلت رسالة ومافي زول رد علي الحاصل شنو
يا ستي ما في شي حاصل بس كل يومين ثلاتة بفتح البريد
لكن اليوم ارد عليك ان شاء الله
انا بشكرك جدا جدا وتسلم ايدك
بس حابة اعرف طريقة عمل الكبة يا رت توصفيها لنا ان كان عندك وقت
يا ريت اعرف طريقة عمل حلو غير طبقات البسكويت
يا ناس يا قوم ردواااااااااااااااااااااااااااااااااااااااااااااااااااااااااااااااا
هههههههههههههه زهجتي؟
شوفي دا
http://simsimaya.wordpress.com/2008/09/16/%d9%83%d9%86%d8%a7%d9%81%d8%a9-%d8%a7%d9%84%d8%b4%d8%b9%d9%8a%d8%b1%d9%8a%d8%a9-%d8%a7%d9%84%d8%a8%d8%a7%d9%83%d8%b3%d8%aa%d8%a7%d9%86%d9%8a%d8%a9/
تسلم يدك لكن دي انا عملتها منك وزوجي حباها لكن انا ما بحب الشعيرية
دايره ابتكارات جديدة الله يرضي عليك
ماشاء الله عليك طبخك جد رهيب وانا عملت الكعك طلع جميل خالص اول مرة يزبط معاى شكرا ليك
ربي يحفظك من كل شر
والحمد لله ظبط معاك :)
ربنا يعطيك حتي يرضيك ياسمسوم
انا بحب الكعك جدا وعمري ماخبزته اللهم بس بساعد اللي بيخبزه ونفسي اتعلم اخبزه ان شاءالله بجرب من طريقتك بس نفسي ياسمسوم اعرف كيف بيكون هش وبيدوب بالفم زي خبيز وحده قريبتنا لكن هي بعيده ومابقدر اساله لوتعرفي السر الذوباان يكون افيدتيني بجد
ام محمد المجتبي تسلمي
ديل بيقدحو السمن (بيكون سااااااخن) بيضيفوه للدقيق والسائل (الماء) بيكون قليل
نفسي اجربو بس ممكن اعملو بالسمن النباتي؟
النباتي ما بيديك نفس النكهة
اذا ما عندك السمن البلدي ممكن تذوبي الذبدة وتراقبيها لحد ما تبقي سمن وتصفيها
السلام علىكم اختي العزيزة لو سمحتي اكتبي لي مقادير الكعك الناعم بالكيلو و ليس بالكباية شكرا جزيلا
مرحب كواكب ومشكورة علي الاطراء
ياستي كل كيلو دقيق معاهم رطل نص سمن + م كبيرة باكنج بودر+ملح +2 م كبيرة سمسم+ هبهان مسحون للنكهة او ممكت تعملي دوا الكعك (الكافور) + نص كوب زبادي او ممكن (ربع كوب موية وربع كوب زبادي)
انت بحر انت مرسه انت قمر للضالىن انت لىل للتعبانىن انت شوره انت فهم انت اخت انت ضهر انت قنىله انت اااااااااااااااامممممممممممممممىرررررررررر
رررر ه
و الله جد جد يا اميرة كل القلتيهو صااااااااااااااح و انت اميرة
شكراليك كتييييييير بالجد بتساعديناخالص.انا عملت كعك وصفة قريبتي حقهاحلوشدييد وحقي طلع من جوه لين زي ني ليه؟؟؟؟؟وشكرا مرة تانية
غريبة يطلع معاك نئ الكعك كمية السمن الفيهو ما بتخلي عجنة الكعك زي عجنة البسكويت او الحاجات التانية احتمال كترتي السائل(الزبادي) ياريتي توريني الوصفة من هنا؟ وذا وصفتك اكتبي لي عشان اعرف المشكلة وين؟
تسلم ايدك يا سمسمة عارفه انا اول مره اعمل كعك يادوب لسه مخلصة وبنفس طريقتك وما اقول ليك طلع روعة كيف ربنا يجزيك خير ان شاءالله
السلام عليكم اختي العزيزه لو سمحتي ممكن تعملي لي اضافه علي ابريدك معاك ام حسن من البحرين صدق عجبتني طريقة الكعك حقك والله مشكوره ياريت اعرف منك الكتير
السلام عليكم الوصفه لروعه تسلم يديك
سلامات المودونة روعة تسلم يديك يا سمسمة
سمسماية ازيك تسلمي يالذيذة ذي كل حاجاتك البطبقها وانا علي ثقة وماخذلتيني يوم يديك العافية وينور بصيرتك يابت بلدي يااصلك سوداني
مرحب بيم يا حبيبة دا من ذوقك واصلك الطيب
تشكري حبيبتي علي الوصفات الهائلة وانشاء الله في ميزان حسناتك يارب
ربنا يعطيك الصحة والعافية يارب
تسلم يدك سمسمايه
يا سلااااااااااام يا سمسماية انا متكيفة شدييييييييييييد لاني اول مرة اعمل الناعم وعملتو بي طريقتك
بس زدتا ليهو لبن بودرة تلانة ملاعق كبيرة طلع حلو شديد تسلمي وانتي وقعتي لي قي جرح كل مرة حاجرب حاجة وبديكي الخبر جزاك الله خير يا رايعة
السلام عليكم كيف أحوالكم أنا تقريبا كل يوم بفتح المدونة وجربت الكعك وطلع رهيييييييييب والطعم مافيهو كلام صااااااااااااااااااقعة لكن طلع لي دسم شديييييييييييد يعني كعكة واحدة وتتصدمي مافي طريقة يتعمل بيها يطلع أخف لأنو أنا كل يوم ماشه زااااااااااااااااااااااااااايدة وحبقى من زوي الأوزان التقيلة ههههههه
تخريمة
حسدتك على الأجررررر كل ماتعملي أكلة بتستحضري أجر مساعدة الغير ومساعدة الزوجات لإرضاء أزواجهم
تسلمي من كل شر يارب أسأل الله رب العرش العظيم يرضيك دنيا وآخرة وما تنسي تتحصني يا غالية
السلام عليكم
وعليكم السلام ورحمة الله
ممكن تخلطي نص الكمية زيت والباقي سمن
ان شاء ربنا يتقبل ومشكورة علي الدعوات يا غالية
سمسماية يا مبدعه …انا تجاربى مع الخبيز الناعم والناعم المحشى سيئة جدا دايما بختم انه ناكلو انا واولادى برانا بطلع قوى جدا انا عاوزة اعرف نوع سمن كويس لو عندك فكرة عن السمن الفى السعودية لأنه فى انواع كتيرة وانا بحتار فيها ومرات انا بعمل سمن براى بالزبدة والجبنة البيضاء يا ترى ينفع مع الوصفات بتاعة الخبيز وكتر خيرك يا زوله مبدعة
تسلمي بالنسبة للسمن ما عندي فكرة عن انواع السمن الفي السعودية بس لو بتسيحي الزبدة وبتخليها لحدي ما باقي مادة الحليب تتبخر ويبقي لونه دهبي (بدون اضافة الجبنة) بتطلع معاك ممتازة
جمعة مبارك سمسماية وكل سنة وانتى طيبة والسنة الجاية كلنا حاجين يارب عملتا الكعك الفى والوصفة دى طلع رهيبة طمو وقوامو بس بعد ما رشيت عليه سكر البودرة بعد شوية حسيت انو اتشربو اعمل شنو عشان يكون ابيض وناصع
السلام عليكم سمسماية عمت الكعك بطريقتك وطلع رهيب شكر ليك والله ما قصرتى معانا فى ميزان حسناتك .
يسلمووووو
بس ماهو الفرق بين استخدام الخليب و الزبادي؟
في الطعم الزبادي بيعطي طعم مميز
ربي يعطيك العافيه ورمضان كريم . ربي يسعدك
طيب مدة الطهى فى الفرن كم دقيقة
تسلم ايديك يارب وربنا يوفقك
السلام عليكم سمسماية
ابدعتي … بس عندي مشكلة كبيره جدا جدا
زمان كنت اعمل الناعم حلو جدا ولي فترة طويله عنه حوالي 3 سنوات
لما رجعت اعمله بقى يبوظ مني حتى لما جربت طريقتك بنفس الخطوات للأسف باظ لأنه طلع مش
مستوي من جوه يعني من الوسط لين ممكن اعرف غلطتي وين ؟؟؟؟
بيببكون سحروك :)
المفروض اصلا ما يكون لين من النص لا نة عبارة عن سمن ودقيق والسائل بسيط عشان يلم العجينة في الغالب انك كترتي السائل (الزبادي) والفرن كان سخن او ما خليتيهو يستوي
انا فعلا كترت الزبادي شوية بس حسب مافهمت منك اني اعجن بالزبادي لغاية مايكون عجينه سلسه ولينه وبالنسبه للفرن كان عادي دخلتها بعدين شغلته وخليته يستوي لدرجة بدأيتحرق
اما بالنسبه لسحروني دي فده موضوع تااااني خخخخ
طيب لو سمحتي عندي ليكي طلب ..
انا عايزة اعمل كيلو دقيق ممكن تديني المقادير بالضبط للكيلو ؟؟؟
وكمان عايزة اعرف انتي تقيسي بإيه ؟؟؟
قصدي كمية الزبادي المحددة تعجني بيها لحدي ما تتخلط المكونات
يعني بدون زيادةالزبادي
تسلم ايدك
ياخت سمسماية والله استفدت منك كتير جزاكي الله كل خير
انا اول مرة حاعمل الناعم وانشاللة يطلع ناااااااااااجح عشان اقدر اواصل
طبعا المرة الفاتت ما رديتي علي لكن الصراحة عملت الناعم وطلع رهيب وحلو بس دسم. شوية لكن رهيب وشكلي كدة حاواصل معاكم بس انشالله القي تجاوب
لك العتبي حتي ترضي
عدم الرد كان لانه جهازي خسرااان وكنت ما بقدر ادخل ولو دخلت ما بقدر ارد ولو بكلمة بس الحمد لله جااني جهاز جديد هدية والحمد لله رجعت اتواصل معاكم ويا ستس انت ست البيت ونحن الضيوف :)
شكرا ليكي علي الرد الدوبلوماسي دة ومبروك الهدية وشكرا للجاب الهدية عشان خلانا نقدر نتكلم معاكي انتي عارفة اني اول مرة اشترك فيً
موقع وادردش مع الناس فيهو بس والله الواحد حب الفكرة وحب ست الفكرة وربنا يديكي العافية واه نسيت كل سنة وانتي طيبة والسنة الجاية زي ماعاوزة
وانت بالف خير وعافية
تسلمي ام ريم شكرا ليك انت علي التواصل
احبك الله يا غالية وننتظر تواصلك اخت عزيزة وغالية
ست الناس مش علي كيفي اناديكي بالاسم العاوزاهوا شكرا ليكي شديد والله ما تتخيلي بفرح كيفلما افتح والقاكي كاتبة لكل واحدة رد علي كلامة دة معناهو انك زولة مهتمة وبتقدري الناس شكرا ليكي وناوية الايام الجاية اسوي فسيخ بالطريقة حقتك وبوريكي طلع كيف
تسلمي اكيد ح يطلع حلو زيك يا راااقية
مشكووووووووورة سمسماية بالجد شغلك كتييييييير مرتب وبيفتح النفس وان شاء الله اعمل الكعك واخبرك بالنتيجة تسلم دياتك وجزاك الله كل خير ع الوصفات الحلوة
ماشاء الله
رهيب جربوا بالمحلب وادعو لي
جاري التنفيذ اليوم نفسي فيهو شديد
وصفتك معتمده عندي من ٣ سنوات
كل مايقرب العيد بعملها
جزاك الله خير ورمضان كريم 🌙
يا سمسماية للكيلو اعمل رطل سمن ولا اتلخبط زيت وسمن ولو ممكن تدينى المقادير بالكباية للزيت والسمن
ممكن تخلطيهم بس بيأثر علي الطعم
الرطل فيه كوب وربع تقريبا
مرات الدقيق بيحتج زيادة سمن ممكن لوحسيتي انه يحتاج اضيفي شوية شوية:)
السلام عليكم حابة اعرف هل لازم انقش عليها ودرجة حرارة الفرن كم انا جديدة في المطبخ وبحاول اتعلم منك يديك العافية يارب
شكرا سمسومه انا فى الولاده مالقيت واحده اشترى منها لكن تانى ماخلاص اولد واخبز وانا مغتربه وماعندى حد
درجة حرارة الفرن بالله لو سمحت يا سمسماية ……شكرا كتير
175- 180 درجة تقريبا
مشكوره يا سمسمه حاجرب واوريك
ﺍﻟﻒ ﺷﻜﺮ ﻋﻠﻲ ﺍﻟﻮﺻﻔﺎﺕ ﺍﻟﺠﻤﻴﻠﻪ . ﺍﻟﻤﻮﻗﻊ ﺑﺎﻟﻨﺴﺒﻪ ﻟﻲ ﺩﻟﻴﻞ ﻓﻲ ﺍﻟﻤﻂﺑﺦ ﺭﺑﻨﺎ ﻳﺠﺰﻳﻚ ﻛﻠﺨﻴﺮ . ﻋﻨﺪﻱ ﺳﺆﺍﻝ ﻋﻦ ﺩﺭﺟﺔ ﺣﺮﺍﺭﺓ ﺍﻟﻔﺮﻥ ﻟﻠﻨﺎﻋﻢ
بين 180-200 درجة
اريد كل شي جديد
جديد الحلويات السودانيه
ماشاءالله حاجاتكم روعة
انا اول مرة عاوزة اجرب اعمل كعك ودائرة المقاديرة بالكباية كيف ومع الزبادي استخدم موية ولا لا
لو جامد حليه بـ شوية موية قلت شوية :)
السلام عليكم
كيفك سمسمايه
عايزه اسألك ممكن استبدل السمن بالزيت
ممكن طبعا بس بيفرق في الطعم
مشكوره ي سمسمايه عملت الناعم وطلع ظااابط
شكرا سمسماية علي المعلومات المفيده وبالتوفيق دايما
شكر سمسماية علي الناعم
عايزة اعمل الكعك وماشاء الله شوقتوني اكتر اني اعملو بي وصفة سمسماية
عملت العيد دا باضافة نص زبدة ونص سمن طلع روعة كمل في يومين
سلامات ،،الوصفة مبالغه انا جربتها طالعه رهيبة شديد تسلامى 😊😊😊😊
ممكن طريقة البتفور الخفيف الأبيض اذ تكرمتي
ما ضروري اعمل دوت الكعك
لا ما ضروري لانه هنا النكهة هي الهبهان زي ما هناك النكهة دواء الكعك (الكافور)
يعني اساسا هو نكهه
دواء الكعك قصدي
السلام عليكم ورحمه تسلمى سمسمايه على الوصفات الحلوة
عندى سوال بالنسبه للكعك….انا بعملو بفس الطريقه بس العجيبه بتكون ناشفه ما بتكون طريه …بتعب فى التقطيع …بس طعمو حلو ….افيدونى لانى بتعب فى التقطيع كتيررررر