المقادير
كيلو دقيق، كوب سكر،خميرة لبن،قليل من الملح،2/1 كوب زيت ،قليل من الكمون الاسود، ماء دافئ للعجن
طريقة عمل الخميرة: 2/1 كوب لبن حار جدا + ملعقة عدس
يوضع العدس مع الحليب الساخن فى علبة محكمة الغطاء وتوضع فى مكان مظلم لمدة 24 ساعة
بعد ذلك تتكون خميرة اللبن ويصفى جيدا بقطعة قماش ويؤخذ الماء واللبن دون حب لعدس
ويخلط مع قليل من الدقيق فيتضاعف (كالخميرة الفورية)
اذا لم تكن الخميرة ناجحة يمكن اضافة م ك خميرة فورية لها
الطريقة:
تخلط المقادير الجافة مع الدقيق ويبس بعد ذلك بالزيت جيدا
تضاف الخميرة السابقة للدقيق ويخلط مع اضافة الماء
تتكون عجينة طرية سهلة التشكيل
تترك العجينة حتى تتخمر
تقطع العجينة على شكل اصابع وترص متقاربة جدا وتوضع فى الشمس حتى تتضاعف
تخبز فى فرن متوسط الحرارة حتى تتحمر
يترك حتى يبرد تماما ونقوم بفصلة بسكينة بخفة
يرص الشريق فى صينية اخرى على وحهه الاخر ويدخل الفرن مرة اخرى ليتحمر
شكرا
هل هذه الخميرة تصلح لكل أغراض الخبز
يعنى تحل محل الخميرة العادية ؟
نعم تصلح لكل الانواع التى تضاف اليها الخميرة
وتعطى المخبوزات طعم خاص
هل المقصود من العدس هو الحمص الأصفر أم أنه العدس وهل هو العدس الأصفر ؟ أننا نطلق على هذا القرقوش في مصر ( فايش ) وهو لذيذ الطعم فعلا ويحبه المصريون كثيرا . شكرا لكم مطبخ سمسماية
عزيزتي سمسماية… كيف الحال..؟؟ اود ان اخبرك اني جربت عمل خميرة اللبن او القرقوش ولكن للأسف فشلت فشلا زريعا..و كانت النتيجة ان القطع اصبحت كالعجين المحمر…وانا شككت في البداية, عندما لاحظت ان خميرة اللبن بعد ان تركتها 24 ساعة لم تنتفخ عند اضافة الدقيق عليها, هل نضع ملعقة صغيرة ام كبيرة من العدس؟ وانا استخدمت كوب mgفي التعير فلست ادري..ارجو ان تساعديني بسرعة… شكراااااا
اختى الغالية فراولة
اشكرك على اهتمامك وعلى الاطراء ارجو ان اكون استحقه
اما بخصوص خميرة اللبن المفروض اللبن يكون ساخن (يعنى لا يصل لدرجة الغليان) ممكن تقولى فاتر والعدس ملعقة كبيرة
يصب الللبن فى (برطمان مربى كبير مثلا) ويضاف اليه العدس ويغلق باحكام ويوضع فى مكان مظلم (يعنى ممكن تلفى البرطمان بقطعة قماش وتدخليه فى الفرن او دولاب المطبخ لازم يكون مظلم بعد 24 ساعة بتجدى كأن اللبن تخثر (اللعدس واللبن على السطح والماء فى الاسفل ) بعنى بنفصل الماء عن اللبن المتجمد والعدس
واذا لم يصل هذه المرحلة اتركيه كم ساعة اخرى لانو احتمال الجو ما ساخن عندكم
بعد ذلك امزجيه مع بعض وصفى الخميرة (تخلصى من حبات العدس) ثم اضيفى قليل من الدقيق وستجدين خميرة رائععععععععععة
ارجو ان اكون قد اوضحت
انتظر منك ان تجربى مرة اخرى وتخبرينى
لك منى كل الود
سمسماية
اشكرك جدا اختي سمسماية على الرد السريع.. واعدك ان اجربه مرة اخرى,,وكلي امل ان تنجح مساعداتي بفضل الله,,ثم فضلك…وتوقعك صحيح فالجو ليس ساخن,,كما اني وضعت الحليب الساخن جدا جدا…وصل مرحلةالغلين و(عداهااا..هاها))…لذا سأجربه مرة اخرى بطريقة صحيحة…شكرا شكراا سمسماية….دمت دائما لنا ,,في صحة وعافية وسعادة…
شكراً أختي سمسماية على الشريق اللذيد ومغذي
تعلمت عمله من والدتي عليها رحمة الله وكانت تعمل الخميرة بالعدس و أحياناً بالحمص( الكبكبيق) هل جربتيه؟ ……وفي هذا إجابة لfosho
لك كل الود والإحترام.
اختي سمسماية ،،اعجبتني الطريقة وفد كنت ابحث عنها منذ زمن ، ساجربها ان شاء الله،واطلب منكي طريقة عمل الكعك البلدي السوداني المحشى بالبلح المحمر
ولكي جزيل الشكر
ان شاء الله في القريب اختي وردة
لك التحية
السلام عليكم اختي سمسماية،لقد جربت عمل القرقوش والنتيجة رائعة غير اني اضفت الية 1 ملعقة خميرة،جزاك الله الف خير وفي انتظار الكعك البلدي السوداني والجديد
مع خالص تحياتي
بسم الله اولا لكى منى خالص الشكر والتقدير لفرحتى الكبيره بوجود منتدى سودانى يعرض الاكلات والوصفات السودانيه بالرقى ده وثانيا انا فعلا بموووت على القرقوش وما كنت اعرف اسمه ايه بالظبط الا ان صورك ساعدتنى كتير جزاك الله عنا خير وان شاء الله اول ما اجربه بقوللك على النتيجه
السلام عليكم اختي سمسماية،كل عام وانتي بخير
طلبت منك طريقة الكعك البلدي (يحشى بالبلح مثل السمبوكسة منذ شهرين ولم تقومي بالرد!!!!ارجو منك الرد سريعا لاقوم بتنفيذه.
وجزاك الله الف خير
اختي وردة كل سنة وانت طيبة
قمت بعمل الكعك المحشي بالعجوة قبل العيد
ونزلتو في المدونة
كعك محشي
اظن ما شفتيهو كدي شوفيهو
ولو بتقصدي حاجة تانية قربيها لي
انا احاضرة
وانتي طيبة اختي سمسماية ،،شفت الكعك المحشي الرائعتسلمي لكن اقصد واحد تاني الي بكون شكلو مثل السمبوكسة ويحمر بالزيت ،وامنى لكي التوفيق الدائم
السلام عليكم اخت سمسمايه
وشكرا علي كل المواضيع الرائعه البتقدميها لينه
هل ممكن اعمل الخميره العاديه
“الفوريه” بدلا عن الطريقة القلتي عليها
وجزاك الله عنا كل خير
وعليكم السلام أختي أم سارة
ممكن تعملي الخميرة الفوري 2 م ك للكيلو
وتتبعي بقية الخطوات بيكون طعمه حلو
بس خميرة اللبن عندها طعم مميز
لك الشكر
السلام عليكم شكراعلى وصفة القرقوش وجربته مرة لكن ماظبط معاي لوسمحتي ماهو مقدار الدقيق على اللبن لعمل الخميرة وهل ضروري وضع القرقوش على الشمس بعد تقطيعه
وعليكم السلام سوسو
ليه ما ضبط؟ المشكلة من الخميرة؟
مقدار الدقيق بسيط بمعنى قوامها بيكون سائل اذا انت في بلد جو بارد يمكن ما تضبط معاك الخميرة
المهم ممكن تستبدلي خميرة اللبن بخميرة فورية
ووضعة في الشمس بيخلي الخميرة تتفاعل كويس وبيكون خفيف
ماشاءالله عليك القرقوش شكله رهيب بس انا بعمله بنفس مقاديرك دي لكن بختلف في خميرة اللبن بعمله بطريقة ناس المخابز الاصليه وهي كالاتي 2م ك كبكبيك مجروش + نصف كوب ماء فاتر +م ص كربونات الصوديم + م ص ملح كل المقادير دي بضعها في برطمان ونخمرها 12 ساعه وباقي الوصفه بنفس مقاديرك وخطواتك اتمني تجربيها وتديتي رايك
مرحب بيك اماسي
يسعدني جدا ان يكون هنالك تبادر خبرات حتي اتمكن من اضافة كل الطرق الممكنة وان شاء الله اجربها واضيفها الي الموضوع واشير الي انها اضافة منك
لك التحية
اشكرك لاهتمامك بالرد الجميل ياملكة الطبخ السوداني الراااااائع وحقيقه اناجربت كتير من طبخاتك ونجحت معاي وانشاءالله تضبط معاك وصفتي بالنسبه للكبكبي لو كان مطحون يكون افضل والف الف شكر لك لانك اضفت لمائدتنا السودانيه احلي وارقي طبخ
عندى مشكلة يا سمسماية فى المقادير مثلا هنا كيلو الدقيق ده كم بمقاس الكوب المعيارى وبرضه لما بتقولى كوب سكر يعنى بتقصدى كوب معيارى؟؟ ولك منى تحيات وتقدير
العزيزه سمسمايه
مشكوره علي المجهود فقد قمت اليوم بعمل الشريق(الشريق) مع اضافة قليل من الكركم وكانت النتيحه مرضيه للغايه
مشكووووره اختي
ام عبدالله(بلجيكا)
شكرا جزيلا ياسمسمايه والله من زمان عايزه اعمل القرقوش وماعارفه الطريقه جزاك الله الف خير
جربت القرقوش طعمه حلو ومنفوخ بس تخين ولين من النصف
شكرا سارة علي التواصل
اذا كنت تقصدي بتخين كبر حجم القطعة لازم تكون العجينة صغيرة لانها بتنتفخ في االتخمير
اما لين بمعنى رطب بيكون رطب بس انت تسبيهو في الهوا يجف لان لو تلاحظي عجينته مثل الخبز فلازم يكون لين
مودتي
الاخت سمسماية
لا شلت يمينك ما ممكن تتحيلى فرحت كيف لما لقيت طريقة عمل الشريق اولادي بحبوا جدا ياكلوا حاجة مع الشاى وبينى وبينك شراء البسكويت من السوق خرب ميزانتى اتحمست جدا وعملت خميرة اللبن اليلة فتحتها لقيت الموية مفصولة من اللبن والعدس قلت خلاص انا ماشة صاح اضفت الدقيق ليها 6 ساعات ما خمرت انجدينى عليك اللة انا عملت اللبن فى درجة حرارة يتحملها اصبعى النجدة النجدة سريع يا سمسماية وكتر خيرك على موقعك الرائع
هناء
مرحب بيك اختي
فعلا ماشية صاح بس احتمال الجو بارد
حاجة اسعافية كدا اضيفي خميرة فورية م ك للخليط الدقيق (خميرة اللبن) ولما يخمر اعجنيها بتديك نفس الطعم
بس اعملي حسابك المرة الجاية خلي الخميرة فترة اطول لانو بتعتمد علي الجو
دعوتك اثرت فيّ شكرا وفرحتك افرحتني جدا
مودتي
اختك سمية
شكرا يا راقية على الرد السريع ح اجرب مرة تانية اعمل خميرة اللبن لانى عاوزة اعملوا على اصولو وانشاء اللة تظبط عشان ابشرك
والله يديك الصحة والعافية
يسلموااااااااااااااا ايديك الحلوين ويديك كل الصحة والعافية عايزة اعملوا لو نجح برسل ليك ربع واحدة مع مريم لكن دسيها من الفك المفترس
معليش ياجماعة العدس حب ولا مسحون
ام ريوم
اول شي مرحب بيك
العدس بيكون حب
سمسمه ورينا طريقة تشكيل العجينه (علي شكل اصابع )
هل بتفرديها دائره وبتجي تبرميها ولا شنو؟
يا ام اماسي بقطع العجينة زي الكورة وببرمها اصابع
يا سمسمايه انتى بالجد بالجد خطييييييييييييييييييره رهييييبه جزاك الله عنا الف خير بالجد وصفك دقيق والصور بتوضح كويس وطبخاتك كلها رووووعه
وانا بقيت كلو يوم اجرب حاجه والحمد لله بتنجح معاى
بالجد مشكوره ياملكه
ربي يعطيك حتي يرضيك يا ميمي والله دا من ذوقك
وبالجد بفرحني كلامكم بدعمني
لك التحية
تسلمي وتسلم ايدك
كل منك مميز ورائع
انا دائما فاشلة ومنك تعلمت الكثير وخايفة اجرب الشريك وافشل
عواتك لي انه ينجح
مرحب ام سامي
يا ستي ان شاء الله مع مطبخ سمسماية مافي فشل
وتتعلمي خطوة خطوة
انت بس أبدي وقولي بسم الله الرحمن الرحيم
بصراحة لو طلعت من غير ما ارد عليكي واقولك الله يوفقك ويفتحها عليكي
اكون ظلمتك وبصراحه خالص خالص ماشاء الله عليكي
الله يخليكي للي حولينك ويهنيكي بيهم
ماقصرتي
ولا عدمناكي يالغلا
ربي يسلمك يا ايناس
كلك ذوق
كل عام و انتم بخير و شكرا جزيلا علي الوصفات الرائعه خصوصا الخبايز. انا جربت بسكويت العيد و جوز الهند و البتي فور و كلها طلعت ممتازة. المشكلة في الشريق. انا بحبو جدا وما صدقت لقيت وصفتك لكن طلع لين من النص و ما اتنفخ كويس. انا عايشة في انجلترا و الجو ابرد من السودان. الخميرة اتفاعلت كويس لكن العجين ما زاد كويس بالرغم من اني اضيفت بيكنق باودر. طبعا مافي شمس للخطوة الاخيرة في التخمير. دايرة اجرب تاني لكن خايفه تفشل. اعمل شنو. فاطمة
وانت بخير
بالنسبة للشريق بدل الباكنج بودر اعملي خميرة فورية وخليهو يضاعف ولما يستوي ويطلع بره الفرن خليه يبرد تماما بعدين فكيهو من بعض ولما تقلبيهو عشان يتحمر من الجنبات التانية ولع الفرن من تحت ونار تكون منخفضة نسبية عشان الرطوبه تطلع منو ولما يحمر ولعي فوق بنفس القدر او القبيهو للجهة التانية حيطلع معاك ممتاز
كتر خيرك كتير علي الرد السريع. حا اجرب و ان شاء آلله تظبط معاي زي باقي وصفاتك الممتازة.
الاخت العزيزة سمسماية
اولا انا جربت الشريق زي ما اقترحت وطلع احسن كثير بس اخد ثلاثة ايام عشان الجو البارد. ليك الشكر الجزيل. انشاء
آلله ناوية اجرب القرقوش.
لاحظت انو كثير من وصفاتك اتلفحت و ظهرت علي مواقع اخري. كويس انك خاته اسمك علي الصور. مساهماتك و موقعك لا تقدر بثمن لانك محافظة علي تراث اصيل خصوصا للمهاجرين و المغتربين. ربنا يجزيك كل خير.
فاطمة
ما شاء الله مدام ظبط معاك كويس
يلا اعملي التاني واديني خبر
:)
شكرا ليك كتيييييييير سمسمايه
جربت الوصفه بتاعتك بس طلع تخين شويه بس الطعم رهييييييييييييب
توتا التخمير اهم مرحلة لازم يرتفع عشان ما يكون تقيل
لو خميرة اللبم ما بتتفاعل معاك كويس اديها خميرة فوريه اخلطيها مع الدقيق وبعدين باقي المكونات خميرة اللبن
شوفي ردي لفاطمة وجربت الطريقة
اعملي خميرة فورية وخليهو يضاعف ولما يستوي ويطلع بره الفرن خليه يبرد تماما بعدين فكيهو من بعض ولما تقلبيهو عشان يتحمر من الجنبات التانية ولع الفرن من تحت ونار تكون منخفضة نسبية عشان الرطوبه تطلع منو ولما يحمر ولعي فوق بنفس القدر او القبيهو للجهة التانية حيطلع معاك ممتاز
وبرضو شوفي ردها فوق
السلام عليكم,
سمسماية الجميلة شكرا على مجهودك الرائع وربنا يعينك ويحفظك.
طبقت القرقوش لكن طلع قوي شديد تفتكري السبب شنو؟ وهل ممكن أعمله بدقيق القمح؟ رقم 2؟
عملتو بدقيق القمح والخميرة والحمد لله نجح
بالنسبة للتخمير في الشمس سخنت الفرن وقفلتو وبعد فترة ختيت الصواني ويعني الفرن كان دافي وبعد اتضاعفت العجينة فتحت الفرن.
شكرا تاني يا سمسماية على انجازاتك
تمام يا ام علا
ولوتلاحظي ردي للاخوات فوق عن التخمير وكيف انكم تخلوه اول يبرد حتي تفكيهو ياريت تقري كل التعليقات والردود ح تستفيدي كتير
لك التحية
أخيرا وبعد محاولتين فاشلتين نجحت في عمل الشريق باضافة الخميرة الفورية وطلع مضبوط وخفيف ومية المية …مشكورة سمسماية وكل الاخوات الناقشو مشكلة تخمير الشمس.
مع الكم الهائل دا من الطبخات السودانية المميزة واللي بتقدميها بطريقة اكثر تميز ليييه ما تعرضي شغلك دا على القنوت الفضائية السودانية والشروق خاصة… انا شايف شغلك احسن من اللي بيقدموه مع احترامي لهم…
موفقة ان شاء الله
اخي ماهر اسعدني مرورك بمدونتي
واشكرك علي الثقة يا سيدي … القنوات عندها ناسها
احترامي
مبالغه جربت بنفس طريقتك والله طلع رهييييييييييييييييييب الله يديك العافيه لانو القرقوش ده ضبطه صعبه نجح معايا ربنا يسهل ليك امورك ذى ماسهلتى لينا,
يديك العافية
وكل سنة وانت طيبة
سمسمايه العزيزه تحياتي
جربت الشريق اليوم طلع طعمه جميل بس شويه تقيل وقوي. كمان شكله ما لامع زي الفي الصوره بتاعتك، وحسيت ان ١/٢ كبايه زيت شويه علي كيلو الدقيق. وانا استعملته كباية المعيار لقياس الكميات وعملته ٨ كبايات دقيق للكيلو صاح ام خطأ؟ اسعفيني باجابات شافيه لمعرفة اماكن الغلط . منتظزاك،،،
الكيلو تقريبا 5 كبايات (ان شاء الله اقيسه للتأكيد كتب ليكم كم يساوي ) والزيت ما شوية لان الزيت بصفه عامة ما بيخلي العجين يخمر بسرعة لو كتير
بالنسبة للمعة انا لما اقطع العجينة والفها اصابع بمسح يدي بالزيت عشات ما تلصق وتاني لما اخليه يخمر بعد التقطيع ما بغطيه فالطبقة الفوق بتكون زي القشرة كدا بيضربها الهوا
عشانة كدا بتاخد الشكل واللون دا
ارجو اكون افدتك
مشكوره سمسمايه علي الافادة السريعه . وانا برضو مسحته يدي بالزيت عند تشكيل العجين، وكذلك ما غطيته، لكن يبدو المشكله ايضا من الجو الجليدي اليومين دي، وبنتظر منك الاكيده حول الكيلو كم كباية،،،،
بارك الله فيك واسعد ايامك،،،،
الكيلو يساوي 6 اكواب دقيق غير منخول (مغربل) يعني مافي بين ذراته هواء
شكرا سمسمايه
سوف اعيد عمله عندما يدفء الجو شويه،،،،
بوركت و عوفيتي،،،،،
شكرا ليك شدييييييييد على الوصفة بس عندي سؤال ممكن أعمل حاجة تانية غير العدس أو الكبكبي في خميرة اللبن؟؟؟
و شكرا،،،،
الله يديكي الف الف عااافيه يا سمسمايه حاجه ترفع الراس والله ربنا يريحك دنيا واخره قدر ما ريحتيني
الشريق ابونا كل ما يضوقو في حته يجي يسمعني موشح بتاع غزل في الشريق وانا بصراحه عمري ما عملتو ولا شفت زول بيعملو قدامي بس اسع بديت فيه وماشاءاللله خميرة اللبن طلعت تمام بس برضو ضفت ملعقه صغيره خميرة فوريه عشان الاحتياط وبرودة الجو
حانزل صورتو مجرد ما يخلص
وكمان بسكويت الينسون عملتو حكايه مااا تخلص والله نشيل وندعي ليك الله يسعدك
عارفة يا سمسم..ما كنتا عارفه خميرةةلبن دة شنو…يوم شميت لي ريحة حلوة من جارتي لما سالتها قالت لي …وذي مااتقعت جيت فتشتها عندك ولقيته….يديك الف عافية بجربه بكرة انشاءالله
جميل بس ممكن ابدل بي الخميرة الفورية وكم يكون المقدار للكيلو الواحد
ممكن تعملي ½1 م ك خميرة فورية بس ياريت تعملي خميرة اللبن لانه الطعم الاساسي فيها ولو خايفة ما تخمر ليك العجين اضيفي خميرة فورية للدقيق وبتكون النتيجه رائعة
السلام عليكم …انا عملت القرقوش يا سمسمه وما نجح طلع تقيل وما فيهو مسامات قدر ما يتبل في الشاي يكون قوي ….
أم ماب وعليكم السلام ورحمة الله نجاح القرقوش بيعتمد علي نجاح خميرة اللبن
ممكن تضيفي م ك خميرة فورية تساعدي بيها خميرة اللبن كتير اخوات اضافو خميرة ومشي الحال
خميرة اللبن بتحتاج جو حار ومكان مظلم
انا من زمان بفتش في حاجه آمنه ولذيذه لاحمد اصلو تاعبني مايشرب الحليب الا مع خبز وصراحة بخاف موووووووت من البسكوت المصنع تسلمي كتيييييييييييييييير ومشكوره ياعسل,اتمني يظبط معاي
طريقة من زمان ادور عليها تسلم الايادى
السلام عليكم عايزه وصفة ام علئ بالطريقة الاصليه لو سمحتي
Thank you for sharing all of this beautiful recipes. It means alot to us as it is almost impossible to find good sudanese recipes online
تسلمى ياغالية ……
بصراحة موقع روعة ,,,,,,, ارجو لك التوفيق
waw raheeeb tq
ما شاء الله
تسلم ايديكي
تسلمي يارايعة على الوصفة ويارب كلو في ميزان حسناتك .. حأجرب وأديك الفاصيل إن شاءالله
ازيك ياسمسمايه والله كان نفسي فيهو من زمان واسه لقيتو عندك وراجلي بحبو خالص خالص بس كنت عاوزه استفسر من انو اللبن مغلي ولا دافي لانو انا بديت اعملو وغليت اللبن
مبااااااااااااااااااااااااااااااااااااااااالغه يسلوا يديك
القرقوش رهييب الله يسلم يديك ويديك الف عافية
اختي سمسماية
بارك الله فيك واعطاك ما تتمني وربنا يفتح عليك ببركة هذة الايام المباركة
شكراً على هذا الجهد الذي كان خير العون في غربتنا
اختي سمسمايه تسلم ايدك على الاطباق الشهيه و في ميزان حسناتك يارب
شكراً ليكي كثير
Allah ebark feek ya simsimaya min seneen o ana 3aozah le bascuit le alshaae 3mltho o tala3 maa shaa aALLAH INSHAA aLLAH FE MEZAN 7SANATEK
سلام يا ملكه والله انا من المعجبات بالوصفات السودانيه وكتر الف خيرك بانسبه للخميرة اللبن ممكن بدلل الزيت سمن او وش اللب
ن (القشطه)
ممكن السمن بس الزيت خفيف وبيخلي القرقوش خفيف
alslam 3lukom ana awl mra ashof almwg3 da mwbala3’a , bss lo sm7te alkobaya bta3t alsokr de kobayat 39eer ola mgass
الله يسلمك
كوب معيار يا ريم بس لو بتحبي يكون حلو زيدي السسكر لكن بفضل يكون السكر خفيف
انا عملته خميرة اللبن و طلعت زابطه بس عايزه اعرف السكر والزيت بي كباية مقاس ولا عصير
كباية العيار
طلع لي قوي شديد حتي لما اقمسه في الشاي مابتبله بس الطعم حلوووووووو
السلام عليكم بجد شغلك ابداع وبفتح النفس ـ عملت خميرة اللبن بي لبن بدرة هل ينفع ؟؟ عملتها امبارح والليلة لقيتا فصلت
وصفاتك روعه تسلمي
ما شاءالله شغلك رائع ومطبخك حاجاتو جميلة نخش ونجرب ان شاءالله
الشريق دا معذبنى نسيبتى بتظبطوا وانا مع انى شا\رة في الحلويات لكن دائما الحاجات الفيها خميرة دى بتخذلنى اغلب الاحيان الشريق بفشل عندى نجرب بوصفتك
كم أسعدني وجودك الراقي على محرك قوقل وأخيرا المطبخ السوداني أطل بوجهه الجميل على المواقع الأسفيرية فرحتي بك لا توصف تمنيت لو كنت بجانبك لارفعك على أكتافي فعلا شرفتينا يا بنت بلاده متعك الله بالصحة والعافية ام احمد
تسلمي ام احمد
ياسمسمايه مشكوره جدا حبيبتي علي وصفاتك الرائعه ويعطيك الف عافيه علي ردودك الطيبه ولو سمحتي عايزه اعرف كيف اظبط درجه حراره الفرن لانو علي 180 عالي وبيحرق كل حاجه قبل ماتستوي
هل لخميرة اللبن رائحة غير مستحبة بعد مرور 24 ساعه لاني عملتها مرتين وبلاقي الماء انفصل عن اللبن بس بلاقي ريحه لاتطاق فبرميها اجيبيني لو سمحتي باقرب فرصه علما اني مرة عملتها بالعدس ومرة بالحمص
ايوة عندها ريحة نافذة وقوية وبس دي ريحة التخمير
سمسماية
ممكن تقدري كمية الموية بالتقريب ؟