المكونات:
4 م ك بصل جاف مدقوق أو (المحمر جاهز)، ½ كوب لحم مفروم (ويمكن استخدام الشرموط)،
زبادى كبير(950 جرام) ،3 م ك فول سودانى مطحون (دكوة)، 2 م ك صلصة،
¼ كوب زيت، 3 م ك دقيق،1 م ص ويكة (اختياري)،قرفة، ملح،فلفل، كزبرة.
·الشرموط لحم مجفف ومسحون
الطريقة:
يوضع الزيت والبصل والقرفة علي النار حتي يتحمر وويضاف اللحم مع التحريك الجيد
تضاف الصلصة والملح والكزبرو والفلفل ويضاف تقريبا 2 كوب ماء
تترك على النار حتى تصبح السبكة مستوية
عندما يتسبك يمكن اخذ وش السبكة (الزيت) لاضافته لاحقا
يضاف الدقيق الي الزبادى ويمزج جيد مضرب سلك او بالمفراكة
يضاف الزبادي الي السبكة ويحرك حتي يغلظ قوامها وتبدا في الغليان
تضاف الويكة مع التحريك وتترك للتغلي لمدة 3 دقائق
يذوب الفول في قليل من الماء حتى يصبح سائلا نوعا ما ويضاف الى الخليط
تم يضاف الزيت علي وجة النعيميةوتحرك بخفة
وترفع عن النار
تسلم يدك .
ماشاء الله تبارك الله قمة الروعة في الوصف والصور بالتفصيل …. جُزيتي خيراً
اكله لزيزه
لم اصدق عيني عندما وجدت وصفة اكلة سودانية على الانترنيت الله يديكم العافية شيء فعلا فعلا يفرح
شكرا مي
ما شاء الله البنات السودانيات كتير بنزلوا وصفات
علي الانترنت
ربي يفرحك دايما
مودتي
سلام عليكم أخت سمسماية
أنا من عشاق النعيمية و ان شاء الله أطبق وصفتك الجميلة دي لكن عاوزة أعرف الفرق شنو من ملاح الروب اللي انتي منزلاهو في صفحة أخرى من الموقع …
اسعدني تشريفك
الفرق كبير ام لينا
النعمية بتعمليها زي ملاح التقلية بس بتخلي
السبة تخينة وبتضيفي الزبادي مع الدقيق
لكن ملاح الروب كلو زبادي
الطعم غييييييير
خليك قريبة
مودتي
شكرا على الرد والتوضيح .. اتمنى لك التوفيق دائما
يا سمسماية هل بتخلطي الدقيق والزبادي بالخلاط ؟ ولا يكفي بمضرب اليد !!؟
مراااااحب ام لينة
ما بحتاج لى الخلاط بيكفي مضرب اليد
او المفراكة لو عندك ههههههههههه
شكرا على الرد يا سمسماية… عملتو مرتين واتبعت خطواتك بالحتة وفعلا استخدمت مضرب اليد…. و أختك بي مفراكتها وبستخدمها دايما…..
تحياتي سمسمه
انا بموووت علي النعيميه بالشرموط المجفف بس مامتوفر عندي
وكمان بكسل احمر البصله وادقها 0000البدائل شنو؟
ام لينا لو خلطي الدقيق و الزيادي بالخلاط بعدين النعيمية بتبقى خفيفة ما جامدة شوية عشان كدى احسن المضرب اليدوي او مفراكتنا الحلوة
تسلمي زنزونه معلومه جديده ومفيده جزاك الله كل خير
للاسف انا كنت بخلطهم بالخلاط وفعلا بتبقي خفيفه0000تسلمي علي علي المعلومه المههههههمه دي
مشكورة يا زينة …. دي معلومة أول مرة أعرفها…لكن ان شاء الله اتبع نهجك انتي وسمسماية ..ما شاء الله عليكم
تخيلي يا ام اماسي ح ارد عليك انا ..المهم البدايل اللحمة المفرومة و اكيد مافي شرموط و البصلة لازم تحمريها لكن بعد داك اخلطيها بالمفراكة الكهربائية مع الطماطم
صباحاتك زوينة
كلام من ذهب، بس لازم يكون هرس بسيط عشان ما تبقي ناعمة
تسلمي
لما اشوف اسمك يازينه والله بفرح كتيييير
بشكرك من اعماقي لاهتمامك وانشاءالله اعمل بنصيحتك
ياريت يازينه بعدما تفضي ويكون مزاجك راااايق تعمليهو لينا بطريقة المغتربين( اللي مامتوفره عندهم حاجات السودان)
ومشكوووووره زنزونتنا واحلي سمستنا
معليش يازينه سؤال تاني0000
اللحمه المفرومه اختها في خليط البصل والطماطم نيه ولا اعصجها ؟
طبعا الليلة اول من صحيت لقيت التعليقات في النعيمية وجري علي المطبخ وتطبيق مباشرا وطلع عجييييييييييييييييب
تمااااااااام ياام ساره اهم شئ التطبيق 0000
عملتيهو بالشرموط المجفف ام باللحم المفروم 00000
لما انزل السودان بجهز 50 كيلو شرموط ناشف وبرجع بيهو باذن الله السعوديه لانه والله حوجته كبييييره خاصه في ملاح النعيميه والتقليه 0000
انا سعوديه و بحب الاكل السوداني
حبيت اعلق على ام اماسي و اقول لها
الشرموط موجود بالسعوديه اذا كنتي في جده
بتلاقيه في وسط البلد يتباع بكثره في محلات الاخوه السوادنه
و سمسمايه لك جزيل الشكر و الله يعطيك العافيه
و اطلب منك طلب
تسوي المحشي على قد ما اكلت محاشي ماكان يشبه
محشي جارتنا ناديه السودانيه الله يذكرها بالخير طعم ولا اروع و كمان المسقعه شي خيال
و انتم يالسودانين شي يرفع الراس اطهر و اروع شعب شفته في السعوديه بدون مبالغه اخلاق وطيبه9 وشهامه فرق كبير عن بقيه الدول شرفتوا بلدكم فين مارحتوا .
اهلا بيك اختي ام محمد ومرحب باهل السعودية
وطلما بتحبي الاكل السوداني ان شاء الله
انزل ليك المحشي السوداني
والمسقعة وشكرا ليك والله دا ما اصلك الطيب
مودتي
شكرا ” ام محمد السعودية بلد الخير والرخاء شعب طيب احتوانا احنا المغتربين عن بلدنا ..وحياك
اشكرا ما قصرتي يا ام احمد واياد واوابي
اوجزتي
مودتي
لحمة مفرومة يا ام اماسي عشان ناس البيت مابحبو المجفف
مشكوووره ام ساره
[…] يمكن ان تقدم مع ملاح التقلية أو النعيمية […]
العزيزة سمسماية
الله يديك العافية واللقمة الدافية
والله وصفك ولا اروع
جوعتينا ياخى
انا حاشيل وصفك ده للمدام عشان نستمتع بالنعيمية بطريقتك الجميلة …
تسلمى لينا يا ست البنات
الله يعافيك ان شاء الله ومشكور علي الدعوة الحلوة ولك مثلها ان شاء الله وان شاء الله هسي تكون اكلت احلي نعيمية من يد المدام
:)
اشكرك عزيزتى على الوصفة الجميلة الرائعة لملاح النعيمية …
جوعتينا ياخى …
واشكر الاخت ام محمد لطيب حديثها عن السودانيين وانا فى جدة لو عرفتها مستعد كل يوم اقدم ليها وجبة سودانية مختلفة لكى ارد جميلها وحلو حديثها عنا بمثله .. انها انسانة اصيلة وهذا ينم عن اصل معدنها الطيب ..
فعلا اخت ام محمد ما قصرت وقالت ما بخاطرها بطيبة
وان شاء الله تكون متابعة المدونة وتشوف المحشي والمسقعة زي ما طلبت لك ولها التحية :)
الله يديك العافيه سماااااااااااااااسم والله زوجي وابوه بيموتو عليه بس انا ما كنت قادره اظبطو هسه انا بقول ليك كتر خير ياست المطبخ الاولي فى السودان
تسلمي سمسمايه ما كنت بتوقع وصفه سودانيه علي النت
صباح الخير سمسماية تسلم ايديك يس عوزة أطلب منك طريقة عمل الروب والجبن
الله يديييييييك الف الف عافيه ياسمسم والليله عملتو وطلع رهييييييييب
ضييفه جديده عيكم في الموقع بس سودااانيه ميه الميه
سلام عليكم
لو طلع لي تقيل ممكن يكون في حل ؟؟ ممكن تتعالج ولا خلاص باظ كدا؟
ماشاءالله ابدااااااع من مبدعة بس سؤال ممكن يكون من غير لحمة او شرموط ؟
والله انت مبالغه
بس عند استفسار ممكن اعمل تحليه شنو وانا عازمه ناس فى رمضان.
رمضان كريم تصومى وتفطرى على وربنا يحفظك ان شالله
نهله علي دينار انشاء ياسمسماية يدك تمسك الكعبة انتي اصبحتي صاحبت الفضل في كل طبخة جديده وانا عندي اولاد وابوهم متعبين جدا في الاكل لكين هسع من ما اقول سمسماية خلاص مافي كلام
اللهم أمين يا نهلة
ويحفظ ليك عيالك :)
اكلاتك روعة وانا دايما بجربها وكل يوم بجرب اكلة وتسلم الايادي بس انا ما عارفه الوصفة شربوت التمر ياريت تنزليه
انت الاروع موجود يا سبنا
http://simsimaya.wordpress.com/2009/01/20/%d8%a7%d9%84%d8%b4%d8%b1%d8%a8%d9%88%d8%aa-%d9%85%d8%b4%d8%b1%d9%88%d8%a8-%d8%b3%d9%88%d8%af%d8%a7%d9%86%d9%8a/
بالجدشكلو رهيبة
AA, lw bei sharmout brdu nus kubaya wala less
تسلم ايديك يا سمسماية العسل ويديك العافية افتدتينى فيها والله ويادوب اتظبط معاى .
الله يديك ألف عافيه وفي ميزان حسناتك يا سمسسمه يا عسل 😘😘😘😘😘
سؤال
دقيق الكسرة ده هو الكورن فلور ولا ياتو واحد أنا مقيمه في الدوحه إذا في واحده عارفه بجيبو من وين توريني بلييييييييز
دقيق الكسرة براهو ناس الدوحة بيشيلوا دقيق الكسرة من السودان انا اختي هناك لكن يمكن تلاقي الدقيق السوداني هناك
تسلمي ياسمسمايه
خلاص بشوف زول جاي اوصي ان شاءالله
وربنا يديك العافيه ويجازيك كل الخير علي الموقع الرهيب ده 😊
والله يديك العافية علي الوصفه الحلوة يا حلوه وإنشاء الله في ميزان حسناتك يا سمسسمه
ياااخت ريرى دقيق الكسرة ماهو دقيق الذره العادى موجود فى كل مكان
شكرا اليك تسلم لي ها الايد
تسلم يدك يا ملكه يا احلي سمسمايه،، بس عايزة اعرف ممكن اعملو بدون شرموط؟
جربت الوصفة اليوم وطلعت رهييييييييبة … مشكورة كتير ويديك العافية
اول مرة ادخل الموقع دا وحا اطبق ملاح النعيمية واكلمك بللنتيجة ان شاء الله
انا صديقه سودانية جديدة بس بعيدة من السودان بشكركم كتييييير والله
رووعة يا سمسماية تسلم ايدك رفعتي راسنا
السلام عليكم . ليه الدكوه بتنضاف في النهايه غالبا بشوف انها تخلط مع الدقيق والزبادي
بتأثر في الطعم
احلي مافي الموضوع دا كلو (وتحرك بخفة) عاجباني عجب 😊 عملتو قريب الاربعة مرات وطعمو ولا في الاحلام تسلمي يارب
عشان يكون مقرمش لازم تفرديهو خفيف العجينة ما تكون تخينة
اووووكي المره الجاية عُلم وينفذ ♡
بس ممكن تنزلي لينا وصفات ل رمضان،مالح وحلو.
انا اصلي بعييييدة من السودان ودي اول مره مااصوم مع اهلي.الغربة نار بالذات لما تكون في دولة اجنبية بس الواحد لما يدخل المدونة بتاعتك نفسياً برتاح وبخخف شوية والله
كل سنة وانت طيبة
كله موجود بس لو عندك حاجة محددة قوليها
شوفي روابط الوصفات
http://simsimaya.wordpress.com/%d8%b1%d9%88%d8%a7%d8%a8%d8%b7-%d8%a7%d9%84%d9%88%d8%b5%d9%81%d8%a7%d8%aa/
اليوم عازمه الناس ان شالله تزبط مع
اي بس شكلها حلو
ننو العسل
سعيده بيك بت بلدي ما كنت بحب النعيميه وﻻ حصل سلتا عنها بس اليوم زوجي قال عاوزا فحبيت اعمﻻ ودخلتا النت وانا واثقه اني ما حلقاها ولمن لقيتا وكمان بالصور ما صدقتا وعلي طول المطبخ وحاجه حاجه عملتها بس بدون لحمه لنو ما بحب اللحمه والله طلعت مش مزبوطه واكلنا فيها لمن قربنا نخلص الحله برافو عليك تسلمي وربي يديك الجنه ويكتبك من الفائزين فيه
و سؤال تاني صغير غير ضرورة الويكه ورينا كيف نخمر العجين للكسره نفسي فيها و ما عارفه اعملها كيف
دخلت اكتر من مطبخ سوداني بس سمسماية هي الاجدر بالمتابعة دائما – يديك العافية وفي ميزان حسناتك سا رب
تسلم يدك والله يديك العافية
شكرا لكم على هذا اﻻهتمام والسرعة في تلبية احتياجات كل واحده مزنوقه
تسلمى سمسما على الوصفات الجميله دى وربنا يدكى العافية وكل علم وانتم بهير
روووعة ..تسلم يدك
وصفة متقنة ماشاءاللة، ندعو بالرحمة والمغفرة للوالدة فقد انجبت وبالتوفيق
لك شكري وتقديري أخت simsimaya على الوصفات السودانية الأصيله والمفيده , وبالجد موقعك ده نفعني جدا وخاصة إني مغترب عازب وإتعلمت كتير رغم إني ماكنت بقدر اعمل غير سلطة بس..
عظم الله أجرك وجعله الله في ميزان حساناتك ووالديك إن شاء الله..
مشاءالله .. عارفه ان الموضوع قديم ..
بس من حبي للملاح والعصيده عندي استفسار
بس اذا ممكن حد يقول لي كم عدد السعرات الحرارية أكون شاكرة له جدا ..
لان احنا السودانين دائما بنعد اطباقنا بس ما بنعرف فوائدها ولا عدد السعرات فيها ! وتسلم الايادي
شكرا ليك اختي العزيزه والله في الغربه المعلبات جابت لينا المرض وبي الصدفه لقيت وصفه حبيبتي النعيميه وقمت بعملها وطلعت حاجه بهجه
ماشاءالله تبارك الله ، عجييييييبه
سِمٌسِمٌُه جْزُاكِ الُلُُه ٌخيَرَا وَالُلُُه وَصّفَاتْكِ سُِهلُُه وَبّتْسِاْعدِنَيَ كِتْيَرَ فَيَ الُمٌطِبٌّخ تْسِلُمٌيَ حُبّيَبُّه وَيَارَيَتْ تْنَزُلُيَ الُمٌزُيَدِ
رائع يريت تنزلو وصفات سودانية اخري